ښځه او اسلام

د افغان مېرمنو د شهامت یوه بېلګه

جنګ ځپلې پري ګل چې ۳۵ کاله عمر لري او د څلورو ماشومانو مور ده؛ خپل غبرګ لاسونه یې په افغانستان باندې د روسانو د یرغل په مهال له لاسه ورکړي. پري ګل د زرګونو نورو افغانانو په څېر د بشریت ضد وحشتونو قرباني ګرځېدلې.
پري ګل د ۷ کلونو وه چې په د روسانو د یرغل پر وخت یې په کور لګېدلي راکېټ ترې دواړه لاسونه واخېستل، خو نوموړې هېڅکله خپل ځواک او هوډ له لاسه ورنکړ. پري ګل اوس د دریو لوڼو او یو زوی درلودونکې ده، چې دري ماشومان یې ښوونځي ته ځي، د نوموړې تر ټولو کشر ماشوم دوه کلن او مشر یې ۱۲ کلن دی. پري ګل د معیوبیت سره سره د خپل کور ټول کارونه پخپلو پښو ترسره کوي.

پري ګل وایي: “د دې ماشومان هم په سختو حالاتو کې ژوند کوي، دوی اړ دي چې د کور کرایې او نورو لګښتونو په پوره کولو کې د خپلو والدینو سره مرسته وکړي.” نوموړې وایي: “د خپل خاوند تر څنګ د خپلو ماشومانو د روښانه راتلونکې لپاره زیار باسم، دوی ښوونځۍ ته لېږم، او د دوی د ښوونځۍ لپاره قلم، کتابچه او کالي پخپلو پښو د اوبدل شویو کیسو د پلور څخه په لاسته راغلو پیسو ورته رانیسم.” د پري ګل خاوند په ښاروالۍ کې د تنظیفي کارکوونکي په حیث کار کوي چې میاشتنۍ تنخوا یې د دوي د کورنۍ اړتیاوې نشي پوره کولی.نوموړې پخپلو پښو سره د تارونو څخه اوبدل شوې کیسې په بازار کې پلوري، تر څو د خپلې کورنۍ لپاره حلاله نفقه پیدا کړي، خو نوموړې اوس د دې تارینو کیسو له پېر ناخوښه برېښي. نوموړې وایي چې پخوا به یې لدې اړخه د پام وړ پېسې لاس ته ورتلې، خو اوس خلک د دې کیسو رانیولو ته هغومره لېوالتیا نه ښيي.

پري ګل په دوه ورځو کې پخپلو پښو یوه کیسه اوبدلئ شي. نوموړې وایي: “هېڅوک ورسره مرسته نکوي، تر څو له خپلو ماشومانو او کورنۍ سره یو ځای د نورو په څېر سوکاله ژوند ولري.” نوموړې زیاتوي: لدې سره سره چې افغانستان ته د ښځو سره د مرستې په نوم په میلیونونو ډالرو مرستې وشوې خو د دې او د کورنۍ د ژوند په سمون او بدلون کې هېچا ورسره حتی یوه افغانۍ مرسته هم نده کړې. پري ګل وایي: سربېره پردې چې زه له دواړه لاسونو بې برخې یم، خو نغواړم خپل معیوبیت د ځان کمزورتیا وبولم او پدې پلمه لاس تر زنې کینم بلکه زه پدې باور لرم چې ښځې کولی شي خپلې وړتیاوې په هر حال وښیي. او عملاً د خپلو وړتیا تمثیل وکړي، تر څو د خپلو هيلو هسکو پوړو ته پخپلو هڅو ځانونه ورسوي.
سرچینه: بیچ نیوز
ژباړه او تبصره: ق. اميري

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: