لمونځ‌

د سهوې او تلاوت سجده- د ماشومانو لپاره اسلامي لارښود

پوښتنه: که په لمونځ کې کوم واجب پاتې شي، څه باید وکړم؟ ایا لمونځ له سره اداء کړو که د هغې د جبيره لپاره بله لار هم شته؟ او که د قرآن د تلاوت په وخت کې د سجدې آيت ته ورسېدو څه بايد وکړو؟

ځواب: که کله څوک د لمانځه په وخت کې پوه شو چې واجب يې وروسته اداء کړی، يا يې نه دي اداء کړي او يا يې کوم عمل دوه ځلې تکرار کړی، بايد د سهودې سجده ترسره کړي، او هغه داسې چې وروسته له آخري تشهد څخه ښي او کيڼ (چپ) لوري ته سلام وګرځوي او بيا دوې سجدې اداء کړي او بيا د دويم ځل لپاره تشهد او درود ووايي او وروسته له هغې سلام وګرځوي.

خو کله چې امام سهوه او غلطي کړې وي نو مقتديان دې له هغه څخه پيروي وکړي. په داسې حال کې امام يوازې يوې خوا ته سلام ګرځوي او بيا ټول جماعت يو ځای د سهوې سجده اداء کوي.

د تلاوت د سجدې په اړه بايد ووايم:

د قرائت په وخت کې چې کله څوک هغه ۱۴ آيتونه ولولي چې سجده پرې لازمېږي، هم خپله او هم څوک يې چې اوري، د لمانځه په وخت کې دې سجده وکړي، کله چې په لمانځه کې نه وي، يا په هماغه وخت يا وروسته له تلاوت څخه سجده وکړي، د تلاوت سجده يوازې یوه سجده ده.

 

کتاب: د ماشومانو لپاره اسلامي لارښود

ليکوال: سيد عبد الله ولی زی

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: