خوله او غاښونهروغتیايي لارښوونې

د غا ښونو د برس کولو او د خولې د حفظ الصحې مربوط ضروري معلومات!

باید دغه لاندی لارښوني په نظر کې ونیسو تر څو قوی او صحتمند غاښونه ولرو.

۱: د غذا له خوراک وروسته باید دیرش دقیقی انتظار وکړو او له دغی دیرش دقیقو انتظار وروسته غاښونه برش کړو.

د غذا د خوراک د ختم سره سم د غاښونو برش کول د غاښونو د خرابیدو سبب کیږی، په دغه حالت کې د خولی دPH لیول ټیټ یعنی اسیډی وی نو ځکه د غاښونو برشکول ددې سبب کیږی چې د برش د تارونو دلاری د خولی اسیډ د غاښونو د سطحو سره سولیږی او د غاښونو د مګلو یعنی abrasion سبب کیږی چې د غاښونو پرسطحو ژوری نقطی جوړوی کوم چې د بکټیریا او غذائ زراتو د نښلیدو دپاره چانس زیاتوی او د غاښونو د کویټو سبب کیږی

۲: د تل دپاره دا خپل عدت مه جوړوه چې د غاښونو برش کول د یوی معلومی نقطی څخه شروع کړی.

تحقیقاتو ښودلی ده چې اکثره خلک د غاښونو برش کول د تل دپاره د یوی معلومی نقطی څخه شروع کوی او پر بلی معلومی نقطی ئ ختموی کوم چې یو سم او صحح عدت نه دی.

داځکه، له هغی نقطی څخه چې تاسی د غاښونو برشکول پیلوی نو په دغه وخت کې ستاسی میلان د غاښونو برشکولو ته زیات وی مګر کله چې اخری نقطی ته نژدی کیږی په دغه وخت کې پرتاسی د غاښونو برش کول سخت او زړه تنګونکی تمامیږی کوم چې ددغی باعث کیږی ترڅو دغه اخری سطحی په سمه توګه برش نه شی.

نو غوره داده چې په هر ځل د غاښونو برشکولو سره د غاښونو د برش کولو نقطی ته تغیر ورکړی.

۳؛ هر کلن چې غاښونه برش کوی نو د غاښونو پر سطحو ډیر فشار مه واردوی.

اکثره خلک د غاښونو د برش کولو مختلفی لاری په کار اچوی مګر بیا ځینی خلک نسبت نوروته په لوړه کچه د خپل غاښونو د نقصان سبب کیږی.

پر برش باندی ډیر فشار واردول ددې سبب کیږی چی د غاښونو څخه وری شاته ولاړ شی او غاښونه د نارمل اندازی زیات لوڅ شی.

باید غاښونه په نرم برش برش شی او د برش کولو پرمهال برش ته دایروی حرکت ورکړ شی په داسی حال کې چې د دایری شعاع کوچنی وی.

ولی سخت برش او زیات فشار ورکولو څخه ممانعت کو؟

دا ځکه

د مثال په توګه، که چرته مونږ یو سخت شی د یو فرنیچر (هغه شی چې د لرګی څخه جوړ شوی وی) پر سطحه کش کړو نو د دغی فرنیچر په سطحه لیکی او داغونه جوړوی او د فرنیچر ښکلا او ارزښت د لاسه ورکوی.

همدارنګه سخت برش د زیات فشار او قوی واردولو سره ددې باعث کیږی چې د غاښونو پر سطحو لیکی او داغونه جوړ کړی کوم چې د غذائ موادو او بکټیریا د رسوب او بندیدو چانس زیاتوی او په نتیجه کې د غاښونو سطحی کمزوری او غاښونه خرابیږی.

۴ : غاښونه باید حد اقل د دوه دقیقو دپاره برش شی.

اکثره خلکه په دې پوهیږی چې غاښونه باید د دوه دقیقو دپاره برش شی خو د دغومره معلوماتو باوجود لټی کوی او زړه تنګوی چې دغه لټی او زړه تنګول د دې سبب شی چې د ځینو یا ټولو غاښونو سطحی په کافی اندازه برش نه شی او میکروبی پلک د غاښونو په سطحو باقی پاتی شی، دې ترڅنګ فلورائیډ کوم چې د غاښونو کریمو یو له مهمو اجزاو څخه دی او د غاښونو د خرابوالی د مخنیوی دپاره او د غاښونو د سطحو د لا پیاوړتیا دپاره د غاښونو کریمو سره یوځای کوی چې د ناکافی وخت له وجې د غاښونو د سطحو په واسطه نه جذبیږی.

هغه غوره لاری که تاسی هغه په کار واچوی نو وبه توانیږی د غاښونو برشکولو وخت نور هم وغځوی

چې هغه عبارت دی.

د غاښونو د برشکولو پرمهال باید د اوبو بمبه بنده شی تر څو د اوبو د ضایع کیدو له ویری د غاښونو د برش مدت رالنډ نه کړو.

بله مواثره لار د سټاپ واچ مخکی ایښودل دی تر څو د موبائیل د سټاپ واچ پر مرسته خپله ځان مجبور کړو چې تر ټاکلی وخت مخکی دغاښونو برش کول و نه درو.

۵: د غاښونو د برش پر مهال د خلفی غاښونو ټولو سطحو او د ټولو غاښونو داخلی سطحو یعنی هغه سطحو چې ژبی طرف ته قرار لری توجه وکړو.

اکثره خلک د قدامی غاښونو بیرونی یا قدامی یا خارجی سطحو ته ډیره توجه کوی او زیات ې برش کوی، داځکه چې د خبروکولو پر مهال د مقابل لوری څخه د لیدو وړ دي، مګر دې ته نه ګوری چې خلفی غاښونه لا زیاتی پاملرنی ته ضرورت لری.

دا چې د یوه طرفه د ژبی اطراف د خلفی غاښونو سره تل په تماس کې وی او له بل طرفه د خلفی غاښونو بین الاسنانی سطحی په وسیع ډول د مجاویرو سطحو سره تماس لری، نو غذائ زرات، او بکټریاو ته پراخه موقع په لاس ورکوی چې په دغو سطوحو کې رسوب وکړی او د غاښو نو د خرابوالی او نواقصو سبب شی.

۶: دغاښونو د برشکولو دپاره باید یو مناسب برش انتخاب شی.

اکثره خلک د غاښونو د برش دپاره یا ډیر کوچنی او یا ډیر لوی برش انتخابوی چې په دغو دواړو صورتونو کې غیر مفید تمامیدای شی.

ځینی بیا داسی برش استعمالوی چې د برش اوتار سخت او کلک وی او وری د شاته ټیله کولو او د غاښونو د ریښو د لوڅیدلو باعث ګرځی، چې اکثره وخت د غاښ د عنق یا غاړی یا سرویکل په برخه کې چرته چې د غاښ سپینه یا انامل طبقه د سیمنټم سره یوځای کیږی او د انامل ضخامت ډیر کم وی چې هم دغه کم صخیمه اینامل د کلک اوتار لرونکی برش له وجی له منځه ځې او د ډینټین ټیوبلز د خولی د جوف سره په تماس کې راځی چې په نتیجه کې د شدید بریښ سبب کیږی.

نو ځکه د غاښونو د برش کولو دپاره هغه برش بهتر دی کوم چې نرم اوتار ولری او د خولی د سائیز مطابق وی.

۷: هغه سبزی او میوه استعمال کړی کوم چې په طبعی توګه د غاښونو د پاکوالی قدرت لری.

هغه وخت چې تاسی له کور څخه بیرون یاست او د غاښونو د برش کولو موقع نه لری، نو داسی سبزی او میوه استعمال کړی کوم چې لرونکی د فائیبر/اوتارو وی چې دغه اوتار یا فائیبر د غاښونو پر سطحو سولیږی او غاښونه پاکوی لکه سیلری (celery) او مڼی چې د هغوی فُائیبر د غاښونو د تار یا ډینټل فلس(dental floss) په شانت کار کوی او همدارنګه باید حداقل د خوراک خوړلو وروسته خوله د او بو په واسطه پاکه شی.

۸: د غاښونو برش پاک وساتی.

که څه همد غاښونو برش د غاښونوبرشکولو وروسته پاک معلومیږی خو په حقیقت کې پاک نه وی داځکه د غاښونو د برش وروسته ډیری بکتیریاوی د غاښونو د برش په او تارو باندی نښلی کوم چې د غاښونو د برش د بدبوی سبب کیږی، که چرته د غاښونو برش د غاښونو د برشکولو وروسته ووینځل شی او په یوه پیاله کې چې لرونکۍ د اوبو وی کیښودل شی نو غوره به وی.

۹؛ د غاښونو برش باید هر دری میاشتی وروسته بدل کړی شی.

څرنګه چې د غاښونوبرش اوتار د وخت په تیریدو او د استعمال له وجی خپل حالت ته تغیر ورکوی،کاږه کیږی او ضعیفه کیږی نو باید هر دری میاشتی وروسته بدل شی.

که چرته د اوتارو په حالت کې د دری میاشتو څخه مخکی تغیرات ښکاره شی، نو باید سم دواره مخکی له دری میاشتو بدل شی.

۱۰؛ د غاښونوتار یا ډینټل فلس (dental floss) هره ورځ استعمال شی.

که څه هم د غاښونو برش پر مټ غاښونه تر ډیره حده باکیږی خو بیا هم د غاښونو برش اوتار د بین الاسنانی فاصلو ته نه شی رسیدی نو یواځینی لار د غاښونو د تار استعمال دی چې بین الاسنانی فواصل پاک کړی.

۱۱؛هرکلن چې غاښونه برشکو، باید په اخیره کې د ژبی علوی سطحه هم د برش په واسطه پاکه کړو.

د ژبی په علوی زیګه سطحه باندی غذائ زرات او بکټیریا نښلی چې د خوب کولو پر مهال دغه بکټیریا د غاښونو سطحو ته انتشار کوی او ټوله خوله د میکروبونو په واسطه ملوثه کیږی چې د خولی د بدبوی او د غاښونو د خرابوالی باعث کیږی.

۱۲؛ که دغاښونو د برشکولو وروسته باقی پاتی د غاښونو کریم تو/توف شی او خوله ته اوبه وا نه چول شی نو غوره به وی،

داځکه د میکروب ضد او انټی سیبټیک مواد کوی شی په بهتره توګه خپله وظیفه اجراء او د خولی حفظ الصحه لا پیاوړی کوی..

لیکنه ډاکتر حنیف

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: