جګړې، جهاد او غزاګانې

د نبوي غزاګانو تشریح څخه مقاصد

يوه برخه د هغو مقاصدو په دې شرحه ده :
اول :چي مسلمانان پدې په ښه توګه پوه سي چي په اسلام کښي د جهاد او غزا مشروعيت د څه مقصد لپاره سوئ دئ؟
دوهم : چي مسلمانان له دې څخه اګاه سي چي مسلمان د خپل دين د حفاظت دپاره ، او دارنګه د دين د دښمنانو د شر او فساد د شنډولو او خنثاکولو دپاره څه مسؤليت لري او څونه پدې لار کښي بايد زړه ور ، دلاور او فداکاره وي .
دريم     :    چي د دين  د دُښمنانو د داسي ناروا اعتراضو جوابونه د هر مسلمان په ذهن کښي قرار ونيسي چي دوۍ وايي چي اسلام يو خونريزه مذهب دئ او ويني تويول يې مقصد دي ، او د وينو تويولو له لاري په جامعه کښي و خپلو أهدافو ته ځان رسونکئ دئ  .
څلرم      :    چي مجاهدين مسلمانان دا درس او معرفت حاصل کړي چي د دين د دښمنانو په جنګ کښي له ټپو ، زخمو  او له قتليدلو سره او دارنګه له نورو جاني او مالي خساراتو او مشکلاتو سره لاس په ګريوان کيدل د الـــــهـــــي حکمتونو له تقاضاؤ څخه يوه تقاضا ده ، او عاقبت او انجام يې د ګټي او نيکمرغۍ دئ   .
پنځم      :     چي  اسلامي فداکاران  او سربکف مجاهدین له د ې څخه په دقیقه وجه سره آګاه سي چي  د کومو عواملو په  سبب  مجاهدین له ناکامِۍ سره مخامخ کېږي اوکوم امور ، اعمال  اوکوم ډول  سلوک د غازیانو دکامیابۍ اوپرمخ تګ سبب ګرځي   .
شپږم        :     چي  جهادکوونکي ځوانان په نېکه توګه وپوهېږي چي  د مجاهدینودپاره په خپل منځ  کي څه قسم  له یوه بل سره رویه اوچلند اوڅه قسم مینه ، محبت ، ایثار او رحم په کاردئ ، اوله نورو عامو مسلمانو سره ودوۍ ته څه ډول  اخلاق په کاردي   .
اوم  : چي مجاهدین  په دې باره کي دخُبْرت اومعرفت خاوندان سي چي اسلامي  جهاداوجنګ له کفري جنګونو څخه دجنګیالانو داخلاقو په لحاظ ، دجنګ دلارو چارو په اعتبار، دجنګي اهدافوپه اعتبار ، د جنګ دقومندانانو د تدبیر اوتنظیم په اعتبار وهکذا څه قسم امتیازات لري  ؟ .
اتم : چي مسلمانان  مجاهدین  په دې وپوهېږي چي  مجاهد بایدد د ښمن په پرتله دجنګ په حالاتو کي  په  صبرکي ، په شجاعت کي  ، په ثبات اوعزم کي ، دمشکلاتوپه ګاللوکي دجان اومال دنقصان په تحمل کي  په څونه اندازه باید زیات وي  .
نهم : چي ومجاهدینو ته ددې درس ورکړسي چي مجاهد ته په څونه اندازه کي دجهاد او د جهاد د ثوابونو  او د شهادت شوق اومینه په کارده   .
لسم : چي مسلمانان نارینه اوښځي خبرداره سي چي دمجاهدینوپه څونه اندازه کومک ، عزت ،  احترام  اوحفاظت پرمسلمانانوباندي لازم د ئ  .
یوولسم  : چي مجاهدین په دې باندي  خبرداره سي چي له غنیمت اوبیت المال سره څونه احتیاط باید وکړي   .
دوولسم  : چي مجاهدین  له دې څخه خبردارسي چي دخپل قوماندان اوامیرپه باره کي دَیْ څه مسئولیت  لري .
دیارلسم : چي دمجاهدینو مشرانو ته دا درس حاصل سي چي دوۍ له مجاهدینوسره دشهیدانوله کورنیو بایدڅنګه سلوک وکړي اوپه څونه اندازه کي بایدتقوی داره  اوخدای پاره وي  ، دامي دمشت نمونه خروار په ډول درته ذکر کړل     .
والسلام ومن الله التوفیق   .

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: