حشرات خزنده کانحکمونو او مسایلو پوښتنې

د کومو حشراتو وژل روا دي ؟ 

په کور يا بل استوګن ځای کې چې کوم حشرات وي يا دهغه ځالګۍ وي د هغه بې دليله وژل جايز نه دي .نه تنها ميږيان بلکې نور حشرات هم تر هغه وخت چې چا ته يې ضرر نه وي رسولی وژل يې جايز نه دي .

د ابي هريرة رضی الله عنه په روايت سره يوه حديث شريف رسول الله صلی الله عليه وسلم فرمايي : له پيغمبرانو يو پيغمبرعليه سلام مږې وچيچلو وروسته هغه په امر وکړ چې د مږيانو کور ته اور واچوی ،الله تعالی هغه ته وحي وليږله چې ته يوه مږې وچيچلې خو تا يو امت چې تسبيح ويونکی وو وسوزولو . –(بخارى:3019)

نو که چيرې حشرات ضرر رسونکي وي وژل يې جايز دي مګر په دې شرط چې په اور به نه سوزول کيږي بلکه پر کوم بل حشره کش به وژل کيږي .ځکه پيغمبر صَلَّى اللَّهُ عَلَيْهِ وَآلِهِ وَسَلَّمَ فرمايي: پنځه ځناور په حل او حرم کې وژل کيږي کړاغ يا کارغه ،مار،موږک ،لړم او بوی ناک سپی (مضر سپی » . — بخاري 1829، و مسلم 1198

د مکې مکرمې علماء کرام ليکي ددې پنځو ځناورو نه علاوه که نور مضر ځناور وي همدا حکم لري مثلاً که غالبوزه وي او ضرر رسوي .نوټ : که مو په استوګنځيو کې مېږيان ځالې يا لارې جوړي کړي او تاسې ته ضرر رسوي نو د النمل د سورت دغه مبارک آيت (يَا أَيُّهَا النَّمْلُ ادْخُلُوا مَسَاكِنَكُمْ لاَ يَحْطِمَنَّكُمْ سُلَيْمَانُ وَجُنُودُهُ وَهُمْ لاَ يَشْعُرُونَ ) ور باندې چوپ کړئ يا د قرآن کوم بل آیت چې تاسې ته ياد وي ان شأء الله مږيان به ډير ژر د تاسې له استوګنځيو څخه پاک کډه شي .

عبدالغفورکاموې

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: