بېلابېلې ناروغۍ او درملنېنشه يې توکي

سګریټ څکونکي تر نورو ډير په نري رنځ (سل) اخته کیږي!

 

د برتانیې ځینې څیړونکې او پوهان دې نتیجې ته رسیدلې چې سګریټ څکونکې د نورو په پرتله ډیر د نري رنځ (توبرکلوز-سل) مرض سره مخامخ کیږي، دوی وایې د تنباکو لوګی په بدن کې د معافیتي حجرو (immune cells) د بندیدو سبب ګرځي او د هغو باکتریاوو سره د مبارزې وړتیا کمزورې کوي چې ددې وژونکي مرض لامل ګرځي.

د برتانیا د کامبریج پوهنتون یو شمیر څیړونکو او پوهانو د یو لړ تجربو او څیړنو وروسته پخپلو څرګندونو کې ویلي چې د انسان د وجود دفاعي سیستم د غیر ضروري او بې ګټې موادو په وړاندې د برقي جارو په څير کار کوي او روزانه د ملیاردونو مړو حجرو په له منځه وړلو کې مرسته کوي.

څیړونکي او پوهان د تنباکو لوګی د هغه چټک ماشین سره پرتله کوي چې په بدن کې دفاعي او معافیتي حجرې چې ماکرو فاګس نومیږي خوري او له منځه یې وړي، د مړو حجرو په له منځه وړلو کې معافیتي او دفاعي حجرې د برقي جارو په څیر کار کوي، او ددې حجرو څخه یې یو هم د نري رنځ (سل) بکتریاوې دي.

معافیتي حجرې په بدن کې د بکتریاوي حجرو په وړاندې مقاومت کوي او له بدنه دفاع کوي، دفاعې حجرې بکتریاوي حجرې خوري او د ماتولو هڅه یې کوي چې په ډیر وخت دا حجرې د ناروغۍ او انتنان (عفونت) څخه د بدن په ساتنه کې بریالۍ وي خو کله بیا د سل (نري رنځ) بکتریاوي د دفاعي حجرو په وړاندې مقاومت کوي تردې چې بکتریاوې دا حجرې په بدن کې د ناروغۍ او انتنان د خپرولو لپاره کاروي.

دې نویو څیړنو جوته کړې چې د ماکرو فاګس دفاعې حجرې د تنباکو لوګي له امله بندیږي، کمزورې کیږي او له منځه ځي او د سل (نري رنځ) بکتریاوي حجرو مقابل کې د مقاومت وړتیا له لاسه ورکوي.

څیړونکي وایې د سګریټ او تنباکو لوګي پریښودل هغه دفاعي حجرې چې د تنباکو لوګي کمزوري کړي وژني خو ځای یې نوې دفاعي او معافیتي حجرې نیسي چې دا نوې او قوي حجرې بیا کولی شي له بدنه دفاع وکړي.

سل د هغو مضرو بکتریاوو مجموعه ده چې عموما په سږو حمله کوي، خو د بدن نورو غړو ته هم ضرر رسولی شي، دا بکتریاوې ټوخی رامنځته کوي، وزن کموي، اشتها له منځه وړي، تبه رامنځه کوي، د ټوخي سره د وینې د راتګ خطره وي، ددې ترڅنګ د ځیګر، هډوکو او جوړونو ناروغي هم رامنځته کوي او ډیر وخت یې پاې مرګ کیدلی شي.

ژباړه: محمد

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: