شکر ناروغي

شکره تر غوړو خطرناکه ده

په نولس سوه اویایمو کلونو کې څېړندویانو ویلي وو که خلک د بورې یا شکرې په شان کاربوهایدرادز وخوري، نه يې وزن زیاتېږي او نه د زړه او رګونو ناروغۍ ورته پیدا کېږي.

نارویژی څېړونکی وايي، خلک تر اوسه په طبابت کې د دغسې تېروتنو تاوان ورکوي. په دغو وختونو کې یوازې غوړ د انسان د روغتیا دښمن بلل شوي وو.

په نولسمې لسیزې کې څېړاندو دې پام وکړ چې غوړ خطرناک دي خو لا يې هم خواږه د صحت لپاره مفید بلل په هغه وخت کې څېړونکي پر دې نه پوهېدل چې خواږه یا کاربوهایدریت په بدن کې بېرته پر غوړو بدلېږي؛ ځکه خو يې فکر کاوه چې یوازې غوړ، سړی چاغوي او د زړه او رګونو ناروغۍ پيدا کوي.

د انسان په بدن کې پر غوړو د خوږو د بدلېدا کیسه اوس بېخي روښانه شوې ده، پر انسانانو سربېره ډېر حیونات دغه وړتیا لري؛ ځکه خو په پسونو کې وازګه پرېمانه پيدا کېږي له دې سره سره چې څاروي له وښو او بوټو پرته نور شیان نه خوري او یوازې کاربوهایدریت ترلاسه کوي خو په ټولو کې دغه خواږه پر وازګه او غوړو بدلېږي.

پخوا حتي داسې ویل کېدل چې خواږه، غوړ او پروتین سوځوي او اشتها خرابوي؛ ځکه خو که څوک وزن کموي باید بوره په خپل خوراکي رژیم کې ولري. حتي حکومتونو ته سپارښتنه شوې وه چې کاربو هایدریت په بدن کې مثب رول لوبوي.

حتي په ۱۹۹۷ کال کې د ملګرو ملتونو د خوړو د نړیوالې ادارې فاو په راپور کې راغلي وو چې بوره یا شکره سلامتیا ته تاوان نه پېښوي.

خو اوس ټول پر دې پوهېږي چې دغه څېړنې ناسمې وې نو ډېرې اوسنۍ څېړنې هم ممکن څو کاله وروسته ناسمې ثابتې شي؛ ځکه خو باید هر شي ته د شک په سترګه وکتل شي او هغه څېړنې په پټو سترګو ونه منل شي چې په اټکلونو او پوښتنو ګروېږنو ولاړې وي.

ژباړه: حمیدالله حمیدي

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: