افغانستان مشاهیر

عبدالجبار قهرمان څوک وو؟

له هلمند څخه ولسي جرګې ته نوماند عبدالجبار قهرمان نن د يو ځای پرځای سوي ماين د چاودني له امله ووژل سو.

نوموړی نن د هملند ولايت په مرکز لښکرګاه کي د خپل ټاکنيز دفتر په دننه کي د ماين چاودني له کبله سخت ژوبل سو، چي وروسته ئې په روغتون کي ساه ورکړه.

عبدالجبار قهرمان د هلمند ولايت څخه د پارلمان برحاله استازی وو او د راتلونکو پارلماني ټولټاکنو لپاره ئې هم ځان نوماند کړی وو.

عبدالجبار قهرمان په ټلويزوني بحثونو کي ئې پراخه ونډه اخيستل او له همدې لاري ډېرو خلګو پېژندلی وو، نوموړی د حکومتي چارواکو او ګڼو سياسيونو باندي سختي نيوکي کولې او هغوی ئې په فساد تورنول.

نوموړی  په  ولسي جرګه کي د هلمند د خلکو استازی و.

څو ورځي وړاندي هم په هلمند کي د يو بل نوماند صالح محمد اڅکزي پر ټاکنيز کمپاين ځانمرګي بريد د نوماند په ګډون ګڼ کسان ووژل او يو شمېر نور ئې ژوبل کړه.

عبدالجبار قهرمان څوک وو؟

عبدالجبار قهرمان د محمد حسن زوی وو او په ۱۳۳۷ کال کي د کندهار په بولدک ولسوالۍ کي زېږېدلی وو.

په ۱۳۶۱ کال کي ئې د کابل حربي لیسې  څخه د دوولسم ټولګی څخه فارغ سو او په ۱۳۶۳ کال کي د کابل له حربي پوهنتون څخه د ليسانس په کچه زده کړي بشپړي کړې.

له هغه وروسته ئې لس کاله په حکومت کي د ملي اردو د قومندان په توګه دنده ترسره کړه او رتبه یې تر تورن جنرال رسېدلې وه.

نوموړی دوه کاله وړاندي په  سويلي ولايتونو کي د ولسمشر لپاره د امنيتي سلاکار په توګه وټاکل سو، چي وروسته ئې خپله دنده پرېښوده.

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: