زړه او وینې دوران سیستم

کوم حالتونه د زړه حملی ته لاره هواروي؟

 

یو شمیر هغه حالتونه چی د زړه حملی ته لاره هواروی په لاندی ډول دی:

اول: د وینی لوړ فشار – ویل کیږی چی که د وینی ټیټ (دیاستولیک) فشار له نورمال حد څخه لس درجی لوړیږی نو د زړه د حملی خطر په ناروغ کی دوه برابره ډېرېږی او کله چی د وینی لوړ (سیستولیک) فشار شل درجی لوړیږی نو د زړه د حملی خطر په ناروغ کی دوه برابره ډېرېږی.


دوهم: د وینی د غوړ (کولسترول) ډېروالئ – د یادونی ده چی کولسترول په وینه کی په دری شکلونو شتون لری – لمړئ ډؤل یی د HDL Cholesterol په نوم یادیږی. که د کولسترول دا ډؤل په وینه کی ډېر وی نو زړه ته ګټور ده او د زړه د حملی څخه مخنیوی کوی. نور دوه شکلونه یی LDL Cholesterol او VLDL Cholesterol دی – که دا دواړه د ناروغ په وینه کی لوړ وی او ډېر وخت لوړ پاتی شی نو د زړه حملی ته لاره هواروی.
دریم: د شکر ناروغی – که یو وګړئ د شکر ناروغی لری او خپل د وینی د شکر اندازه کنټرول و نه ساتی نو دا پېښه د زړه حملی ته لاره هواروی.

څلورم: د بدن ډېر چاغوالئ (چاغښت) د نورو ګڼو روغتیایی ستونزو سربیره د زړه حملی ته لاره هواروی.

پنځم: سګرټ څکول – سګرټ څکول او نور تنباکو کارؤل د وینی د رګونو دیوال د داخل څخه پریړ یا ډبل او پدی ډؤل د رګونو د تنګیدو سبب کیږی او د زړه حملی ته لاره هواروی.

شپږم: په دوامدار ډول ډېر غوړ خواړه کارول او لدی سره په یو وخت د تازه میوی او تازه سبزی نه کارؤل د زړه حملی ته لاره هواروی.

اووم: فزیکی فعالیت او ورزش نکول د زړه حملی ته لاره هواروی.

اتم: ذهنی فشارونه – د بیلګی په ډؤل پرله پسی ژور خپګان او تشویش د زړه حملی ته لاره هواروی.

یادښت: 
روغتیا پوهان پدې اند دي چی که له پورتنیو حالتونو څخه دری حالتونه په یوه وګړی کی په دوامدار ډؤل شتون لری نو د زړه د حملی چانس پکی نزدی په سلو کی سل ده.
د زړه د حملی څخه د ځان ساتلو لاری چاری:

الف: هغه ناروغان چی د وینی لوړ فشار لری نو باید خپل فشار تل کنټرول وساتی.
ب: هغه وګړی چی د وینی غوړ یی ډېر ده نو باید خپل د وینی غوړ تل کنټرول وساتی.
ج: هغه ناروغان چی د شکر ناروغی لری نو باید خپل د وینی شکر برابر وساتی.
د: له سګرټ څکولو او تنباکو کارولو څخه باید ډډه وشی.
ذ: په دوامدار ډؤل له ډېرو غوړ خوړو په ځانګړی ډؤل حیوانی غوړو کارولو څخه باید ډډه وشی.
ر: په خوړو کی باید تازه سبزی او میوه ډېر وکارول شی.
ز: هر وګړئ باید په دوامدار ډؤل فزیکی کار او ورزش وکړی.
س: له ذهنی فشارونو څخه باید ځان وساتل شی او که څوک پری اخته وی نو باید خپله درملنه وکړی.

ژباړه: ډاکټر مجتبی عزيزيار

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: