اودس د لمانځه د صحت او رواوالي لپاره يو مهم شرط دی، بايد د اوداسه ټولو آدابو ته پاملرنه وکړو، رسول الله صلی الله عليه وسلم وايي: څوک چې په ښه ډول اودس وکړي الله جل جلاله يې د ټول بدن واړه گناهونه بخښي.

اودس يو عبادت او د جسماني او روحاني پاکوالي يوه ښه وسيله ده .

د اودس ځينې آداب په لاندې ډول دي:

اودس ته داسې لوړ ځای کښېنئ چې څاڅکې در وانه لوځي، قبلې ته مخ کوئ، په پيل کې بسم الله او پای کې يې دا دعا لولئ: اللّهُمَّ اجْعَلْنِيْ مِنَ التَّوَّابِيْنَ وَاجْعَلْنِيْ مِنَ الْمُتَطَهِّرِينْ.

اوداسه کې له لاندې کړنو څخه ځانونه ساتئ: مخ ته په زوره اوبه شيندل، له اړتيا زياتې اوبه مصرفول، په ښي لاس استنجا يا پوزه پاکول، خندل، له اړتيا پرته خبرې او بل نه مرسته غوښتل.

له خوب وړاندې، د غصې پر وخت، او په لوړ غږ له خندا وروسته اودس کول غوره کار دی.