د تهجد لمونځ :

د فرضي لمانځه  وروسته ترټولو غوره لمونځ د شپې [ دتهجد] لمونځ ده .
په حديث شريف کې راغلي دي د آخري شپې دوه رکعته لمونځ د ټولی دنيا نه بهتر دی که څيری ماته د دمشقت او تکليف ويره نه وی نو په امت به می فرض کړی وی .
حضرت ابوامامه رضى الله تعالى عنه روايت كوي چې رسول الله صلى الله عليه وسلم وفرمايل : تاسو ته ښايې چې په شپه كې خپل رب ته ودريږئ ځكه چې ستاسو نه د وړاندې تيرو شويو  نيكو وګړو هم عادت همدا و، دا ستاسو رب ته تاسو نيږدې كوي ، ګناهونه مو له منځه وړي او ځنى مو ترى ساتى ( ترمذى )

دتهجد د لمانځه وخت د ماسخوتن له لمانځه ورسته تر رښتينی  سبا (صبح صادق ) پوری کيږي خو غوره وخت يې د شپی آخره حصه ده .
د تهجدو دلمونځ ترټولو كم مقدار ۲ متوسط يې۴ او زيات يې ۸ يا ۱۲ ركعتونه  دی .