له کله راهيسي چي دشکر په ناروغي اخته شوی يم تل مي وزن په تدريجي بڼه مخ په کموالي روان وو له ۱۱۸ څخه مي وزن ۱۰۳ ته راټېټ شو.
خو اوس مي وزن له ۱۰۳ څخه بېرته ۱۰۸ ته پورته شوی او دپخوا په نسبت مي خوراک هم زيات شوی.

چي پوره باور لرم دشکر ناروغي یې ګونده کړي ده.
دبدن په بېلابېلو برخو کي کوم دردونه چي مي مخکي محسوسول ۷۵% کي راکم شوي .

پټه دي نه وي چي کوم خوراکي پرهېز چي به ما مخکي کولو هغه مي هم يو مخېز پرې اېښی او اشتها مي هم پیاوړي شوي.

البته دشکر ازموینه مي لا نده کړي چي نتېجه یې له تاسي سره شريکه کړم.
هيڅ ډول منفي اغېزه مې نده محسوس کړي تاسو یې هم څښلو ته رابولم
قرانکريم دزيتون ونه مبارکه نومولی تېل یې هم مبارک دي.
مِن شَجَرَةٍ مُبَارَكَةٍ زَيْتُونَةٍ لاَ شَرْقِيَّةٍ وَلاَ غَرْبِيَّةٍ.

په پیل کي يې څښل ستونزمن وي خو وروسته انسان ورسره عادي شي.
پخپله یې هم څښئ او نور یې هم څښلو ته تشويق کړئ .
دروغانو روغتيا ساتي او ناروغانو ته زياته ګټه رسوي او هيڅ ډول منفي اغېزه نلري.
دزيتون د تېلو په تشه خوا څښل هغه چاته هم زياته ګټه رسوي چي دکولېسټرول له زياتوالی شکايت لري په تېره بيا چي کله نېمه وړه د چاي قاچوغه دانګورو سرکه هم ورسره ګډه کړی دوخت په تېرېدلو کوليسټرول يو مخېز ختموي همدا راز دسرطاني ناروغيو په کنترول کي یې هم مثبته اغېزه لرلی.
دا حفايق تجربو او څېړنو جوته کړي.

اصلي تېل څنګه پېژندلای شو؟
دزيتون داصلي تېلو رنګ زرغون والي ته مائل وي او چي دخوراکي تېلو غوندي یې رنګ ژېړ وي هغه اصلي نه وي يا ګډ شوي وي.
که دزيتون تېل په يوه پیاله کي واچوو او په یخچال کې کېږدو که څه وخت وروسته سپين رنګ خپل کړي او دډبري غوندي کلک شي دزیتون اصلي تېل یې بللای شو.
اوکه کرېمي رنګ خپل کړي او پاسته پاته شي اصلی نه بلکه ګډ شوي / مکس یې بللای شو.
(ددعا په تمه)

لیکوال: محمد قدوسي