د زړه حملې ګواښنده نښې

د زړه حملې ګواښنده نښې

ایا پوهیدئ چې کیدای شي د سینې له درده پرته په انسان د زړه حمله راشي؟ د زړه حمله او ناروغي په ټولو کسانو کې یو ډول نښې نه لري په ځانگړې ډول په ښځو کې. د زړه حملې اصلي لامل د وینې ټینگیدل دي چې دغه ټینگه وینه د زړه عضلاتو ته د وینې جریان مخه نیسي.

عمر، ارثي خواص، وینې لوړ فشار، کولیسټرول، اضافي وزن، پرهیز نه کول، الکول لرونکي مشروبات، ذهني فشار او ورزش نه کول هم د زړه حملې سبب گرځي.

د دې لپاره چې د زړه حملې څخه مخکې يي مخنیوی وکړو باید د زړه حملې څو مهمو نښو په اړه معلومات ولرو:

۱- ستوماني او ساه بندیدل:

ستوماني او ساه بندي دوه هغه نښې دي چې په وسیله يې بدن انسان ته وايي چې بدن دمه کولو ته اړتیا لري او همدا راز دغه نښې د زړه ناروغیو نښې هم کیدی شي چې په زړه له حده زیات فشار ښکاروندوي دی.

که له دلیل پرته د ستومانۍ او ستړتیا احساس کوئ نو د دې مطلب دا دی چې ستاسې زړه روغ نه دی.

your ads

ستوماني او ساه بندي په ښځو کې عامه ده او کیدی شي دغه نښې څو میاشتې مخکې د زړه له حملې ظاهره شي.

۲- بد هضمي، زړه بدوالی او قی کول:

ډېر ځلي خلک د زړه له حملې مخکې بد هضمي او د معدې له نورو ناروغیو سره مخ کیږي. ځکه چې د زړه حمله ډیر ځلي په ډیر عمر لرونکي خلکو راځي کوم چې د معدې په مختلفو ناروغیو اخته وي.

که د چا خیټه خرابه وي، بدهضمي او یا هم زړه سوی ولري؛ دا ښيي چې اصلي ستونزه په زړه کې ده او کیدی شي د زړه حمله راشي.

۳- شپه او ورځ خوله کول:

زیاته اندازه خوله کیدل په ځانگړي ډول کله چې ورزش او فزیکي فعالیت نه کیږي د زړه حملې اخطار وي. بدن ته د وینې پمپ کولو لپاره د وینې رگونه له زړه څخه مرسته اخلي نو ثقیل کار کولو پر وخت بدن ډیره خوله کوي تر څو د بدن تودوخه ټیټه وساتي. که ستاسو بدن سړه خوله کوي او پوټکی مو هم سوړ وي نو باید زر تر زره ډاکټر ته مراجعه وکړئ.

۴- سینې درد، فشار او ناارامي:

که څه هم د سینې درد زړه له حملې څخه مخکې عامه نه ده خو بیا هم د سینې درد د زړه حملې تر ټولو غوره نښه گڼل کیږي. سینې تنگوالی د زړه حملې یوه ډیره عامه نښه ده. خلک وايي چې د زړه له حملې مخکې يي داسې احساس درلود چې فیل د دوي پر سینه ولاړ وي.

که د چا سینه درد وکړي او یا هم تنگه شي نو باید ډیر ژر روغتون ته ولاړ شي ځکه چې د دغو نښو له څرگند کیدو سره په انسان ډیر زر د زړه حمله راځي.

Advertisement | Why Ads? | Advertise here

پوهنتون چینل

پوهنتون چینل درسره سبسکرایب او شریک کړئ

سبسکرایب Subscribe


خپل نظر مو دلته ولیکئ

wasiclinic.com
Back to top button
واسع ویب