د شُکُر عجیبه قیصه!

 

یو شتمن سړي د خپل کور له کړکۍ څخه د باندې کتل چې په یو فقیر یې سترګې ولګېدې چې د نوموړي د کور مخکې ډیران کې څه لټوي.

شتمن له ځان سره وویل: «شکر خدایه چې فقیر او بې وزله نه یم.»

په ډیران کې لالهانده فقیر په یوه لیوني سترګې ولګېدې چې د سړک په څنډو روان دی، له ځان سره اپلتې وایي.

فقیر له ځان سره وویل: «شکر خدایه چې لېونی نه یم، فقر او غریبي خو کوم عیب نه دی.»

د لېوني امبولانس ته ورپام شو چې بېړنی ناروغ روغتون ته لېږدوي، له ځان سره یې وویل: «شکر خدایه چې ناروغ نه یم، که هر څه یم، پخپلو پښو روان یم».

د ناروغ په روغتون کې په داسې جسد سترګې ولګېدې چې ساه یې ختلې وه او کورنۍ یې د تکفین په موخه د وروستي ځل لپاره کور ته لېږداوو، له ځان سره یې وویل: «خدایه شکر چې ژوندی یم، ناروغي به هم تېره شي.»

یوازې مړی وو چې د شکر اداء کولو فرصت یې نه درلود!

نتیجه:

د دې لپاره چې د ژوند په قدر پوه شئ، کله ناکله روغتون، زندان او هدیرې ته سر ورښکاره کړئ، تر څو پخپل حال شکر وباسۍ.

قاري عبدالرشید عالمي

Advertisement | Why Ads? | Advertise here

پوهنتون چینل

پوهنتون چینل درسره سبسکرایب او شریک کړئ

سبسکرایب Subscribe


Editorial Team

د واسع ویب د لیکوالۍ او خپرونکي ټیم لخوا. که مطالب مو خوښ شوي وي، له نورو سره یې هم شریکه کړئ. تاسو هم کولی شئ خپلې لیکنې د خپرولو لپاره موږ ته راولېږئ. #مننه_چې_یاستئ

خپل نظر مو دلته ولیکئ

wasiclinic.com
Back to top button
واسع ویب