د قبر زيارت او سنت دعا
د قبر زيارت:
د قبر زيارت د سړيو لپاره جائز دي چې زيارت ته لاړ شي، مړي ته دعا وکړي.
رسول الله صلی الله عليه وسلم فرمائی: زوروا القبور فإنها تذكركم الآخره.
ژباړه: د قبرونو زيارت ته ځئ ځکه دا قبرونه تاسې ته آخرت در په يادوي .
ما تاسی د قبرونو د زيارت نه منع کړی وئ اوس (اجازت درکوم ) چه تاسې د قبرونو زيارت کوی ځکه چه (ددی ګټه داده چه ) په دې سره د دنيا بی رغبتی او دآخرت ياد او فکر پيدا کيږی.
په اول وخت کې ځکه منع ؤ تر څو هغه د جاهليت د وخت خرافات په بشپړه ټوګه له منځه ولاړ شی
له بده مرغه لاهم په ځنو مناطقو او ولسونو کې همغه مشريکانه اعمال شته لکه : په قبرونو کې د حيوان زبح کول ، هلته اور بلول يا هغوی شفاء ګرځول او داسې نور دا ډول اعمال په اسلام کې هيڅ ځای نلری دا همغه د جاهليت د وخت پاتی ميراث دی چه له دين څخه ناخبره کسانو ته ورپاتی دی .
داسلام دين سراسر ټول حکمونه د حکمت او مصلحت څخه ډک دي د ځنو مصلحتونو پر بنا ښځی ته جايز نده چه د قبر ذيارت وکړی .
لعن الله زائرات القبور الله ج لعنت کړی دی پرهغو ښځو چه دقبرونو ذيارت وکړي .
د قبرونو د زيارت په وخت کې دا دعا ويل سنت دي :
«السَّلاَمُ عَلَى أَهْلِ الدِّيَارِ مِنَ الْمُؤْمِنِينَ وَالْمُسْلِمِينَ وَيَرْحَمُ اللَّهُ الْمُسْتَقْدِمِينَ مِنَّا وَالْمُسْتَأْخِرِينَ وَإِنَّا إِنْ شَاءَ اللَّهُ لَلاَحِقُونَ ».(مسلم، احمد و نسایی).
سلام دې وي پر تاسی ای ! اهل د قبرونو له مؤمنانو او مسلمانو الله ج دې رحم وکړی پرهغو کسانو چه له مونږ نه مخکی تللی او پر هغو کسانو چه له مونږ نه به ورسته رحلت کوي اومونږ به هم ان شآء الله له تاسې سره يوځای شو.
