رېښتونی مشر | لنډه کیسه
یوه ورځ د سینګاپور ملکي هواېي چلن په یوې الوتکه کې د الوت پرمهال یوه مسافر ته ناڅاپه د کانګو (قئ) کولو تکلیف پېښ شو. رنځور مسافر په پرله پسې توګه د الوتکې په دننه پیاده رو کې کانګي(قیونه) کول پيل کړل. د نوموړي رنځور مسافر سیټ نیږدې ولاړ د طیارې خدمتګار په لومړيو دقیقو کې د صفاېي عمل په سمه توګه سرته رسولو، خو لږه شېبه وروسته یې د صفاکارۍ حوصله وبایلله او په تکتیکي توګه یې د الوتکې بلې برخې ته شاتګ وکړ ترڅو د رنځور مسافر د کانګي(قئ) له صفاېۍ ځان په آرامه کړي.
د الوتکې د خدمتګارانو مشر دا ټوله صحنه څارله خو کله چې حوصله بایللي خدمتګار ځان وویستلو نو د خدمتګارانو مشر په خپله راغی او د رنځور مسافر کانګي(قیونه) یې د الوتکې له پياده رو څخه صفا کول پیل کړل. د الوتکې خدمتګار چې خپل مشر په کار کولو وکتلو سمدستي یې بیرته د صفاېي عمل پیل کړ.
د الوتکې د خدمتګارانو مشر په عملي توګه خپل تر لاس لاندې خدمتګارانو ته د ښو خدماتو وړاندې کولو طریقه وښودله، نه داچې یوازې په خولې یې ورته امر وکولو.
