زنا یې کړې وه اوس واده سره کوي، روا ده او که ناروا؟
پوښتنه:
یوه سړي له یوې پیغلې سره زنا کړې ده چې په پایله کې یې هغه امیندواره شوې ده، اوس دغه سړی غواړي چې له هغې سره واده وکړي، نو آیا د دوی واده سره روا دی؟ او که دغه ماشوم وزیږیږي نو له دغه زناکار نه به میراث وړلی شي او که له دغې مور نه؟ او آیا که دوی سره واده وکړي نو له زنا نه بیدا شوي ماشوم نه به یې نورې خویندې پرده کوي او که نه؟
دوکتور عجیل النشمي یې ځواب وایي:
ځواب:
وروره! پدې کې فقهاء بیلابیل نظرونه لري چې ایا د زنا نه امیندوارې شوې ښځې نکاح صحیح ده او که نه؟ امام مالک (رح) او امام احمدبن حنبل (رح) خو پدې اند دي چې له زنا نه امیندوارې شوې ښځې نکاح نه له دغه سړي سره صحیح ده چې زنا یې ورسره کړې او نه له بل چا سره ترڅو دغه په خیټه ماشوم ونه زیږوي، ځکه چې حدیث شریف دی چې (لا توطا حامل حتی تضع) امیندواره ښځه چې ماشوم ونه زیږوي څوک ورسره واده نشي کولی، ابوداوود ۲/۶۱۴ او بیهقي ۷/۴۰ روایت کړی دی او حاکم ۲/۱۹۵ د مسلم په شرط صحیح بللی دی او ذهبي هم تایید کړی دی.
مور باید شیدې ورکړي چې رضاعي زوی یې شي نو بیا به یې له نورو خویندو سره هم اړیکه پیدا شي او هغه ستونزه به چې هغوی ترې نه پرده وکړي لرې شي.
ژباړه: عبدالفتاح جواد
