غسل؛ د غسل ورکولو طریقه
غسل به څوک ورکوي؟
د غسل ورکولو حق لومړی د هغه کس دي چه مړي وصيت ورته کړی وي، بيا د پلارګنې خپلوان او بيا مړي ته نږيدې خپلوان ،سړي به سړيو ته غسل ورکوي او ښځې به ښځی ته غسل ورکوي يو د بل مخالف جنس ته غسل ورکول حرام دي، ښځه او ميړه يوبل ته غسل ورکولای شي اوهمدارنګه مور خپل ماشوم اولاد ته چه تر اوه کلنې کم وي غسل ورکولاي شي ځکه چه هغوی د عورت په پټولو ندي مکلف شوي .
د غسل ورکولو طريقه :
لومړي به مړی په يوه تخته څملوي اوجامې به ترينه وباسی لنګ به ور ووهی بيا به استجاء ورکړي داسې چه تر لاسه يوه ټوټه تاوکړي اوبيا دلنګ نه لاس د ننه کړي د غټواو وړو متيازو ځايونه به وونځی دمړي شرمګاه ته به نظر نه کوي .
که بريتونه ،نوکان او دتخرګ ويښتان يې لوی وي هغه به لری کړی خودشرمګاه په ويښتان به کار نه لري ځکه چه په ژوندون کې د هغه د شرمګاه لمس جايز نه ؤ .
بيا به اودس ورکړي په اوداسه کې په خوله اوپوزه کې اوبه نه اچول کيږي پر يوه ټوټه به د غوږونو او پوزې سوري اوغاښونه پاک کړي ورسته به د غوږونو، پزی او خوله کې مالوچ کيږدي چه اوبه ورنه شي .
که د کوم سړي په باره کې ستاسو يقين وي چه دا د ناپاکۍ په حالت کې وفات شوی يا ښځه د حيض او نفاس په حالت کې وفاته شوې ده نو د هغه په خوله او پوزه کې لږلږ اوبه رسول پکار دي.
د اودس نه پس يې سر اوږيره په صابون ، شامپو يا بل څيز ښه پاک کړئ بيا يې لومړی په ګين اړخ څملوي په ښی طرف يې دری ځله له سرنه تر پښو اوبه واچوي او نرم نرم يې بدن وموښئ ،بيا په همدي شان کيڼ طرف دري ځلې اوبه اچول .
ورسته مړي په قراره د ځان طرف ته راپورته کړي اوپه کراره به يې په خيټه لږ فشار وروړی چه که په نس کې يې څه پاتی وي هغه ورڅخه ووځی ورسته به هغه پريمنځی دوهم ځل غسل ته ضرورت نشته .
اوس نو غسل وشو لنګ به تري لری کړی بل لنګ به ور واچوی له هغه ځای څخه به يې بل ځای ته پورته کړي بدن به يې وچ کړی کفن به ورواچوي .
د مړي څخه د زوراتو ايستل پکار دي ځکه چه هغه خرابيږي که د طلا يا بل شی قيمتې غاښونه وي که يې ايستل اسانه وي او په ژوند ميت په عادي شکل ايستل نو ښه او که ايستل يې سخت وي يا د مړی چهري ته نقصان رسوي نو بيا به يې پريږدي .
