له لمانځه نه غافله مسلمان ورور سره څو خبرې
پوښتنه مې وګړه څنګه لمونځ نه کوی؟
ويل يې : مشغول ومه
ومې ويل : څه مشغوليت ؤ ترلمانځه هم مهم په داسې حال کې چه دقيامت په ورځ به لومړی حساب دلمانځه وي .
ويې ويل : پوهيږی چه ددنيا مشغوليت ذيات دی نوڅه بايد وشي ؟
ومې ويل :آيا نه پوهيږی چه داسلام اوکفر ترمنځ سرحد لمونځ دی ؟
حديث شريف : بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكُ الصَّلاَة
ويې ويل : مسلمانې يواځی په لمانځه کې نده ،مهمه داده چه دانسان زړه پاک وي ،زه مسلمان ته ضرر نه رسوم ،له خلکوسره ښه سلوک لرم اودټولوسره خوش اخلاقی کوم.
ومې ويل : دغه شيطانی حيله ده چه ځنی مسلمانانوته دهغه په وسيله فريب ورکوي ترڅودګناه مرتکب شي ،چه دی فکرکوي مابه ښه کارکړی وي زه خوښه سړی يم حال داچه ترلمانځه نولويه ګناه شته ؟ داسترعبادت ګوره !
دادشيطان وسوسی دي چه زمونږ ناوړه اعمال راته ښه ښکاره کوي.
قوله تعالی : وَإِذْ زَيَّنَ لَهُمُ الشَّيْطَانُ أَعْمَالَهُمْ (الانفال ۴۸)
ويې ويل :ډيرخلک شته چه لمونځ کوي خوبيا هم ګناه کوي.
ومې ويل :نوڅوک چې لمونځ کوي هغه به نو ګناه نه کوي معصوم به وي ؟ معصوم له ګناه خو يواځی پيغمبران دي،خوته لمونځ کوه اوورسته ناوړه اعمال پريږده اوښه کارونه شروع کړه ،همدغه ته به يوه نمونه وی په ټولنه کې اوستا ښه اعمال به په ډيرو خلکو تأثير وغرځوي. : زه خو کلمه د لااله الاالله وايم اوالحمدالله مسلمان يمه اورسول الله (ص) فرمايلی چه لااله الاالله دجنت کلۍ ده اوڅوک چه لااله الاالله ووائی د دوزخ اور په هغه کس حرام دی اوبل داچه الله (ج ) غفوراورحيم دی.
ومې ويل :داچه لااله الاالله دجنت کلۍ ده هيڅ شک پکې نشته ولی پوهيږی چه علماؤ په شرح ددی حديث شريف څه ويلی؟.
لااله الاالله دجنت کلۍ ده ولی هره کلۍ دندانی لری چه دهغه په وسيله دروازه خلاصيږی اودجنت دکلۍ دندانی صالح اعمال دي او لااله الاالله بدون له عمل په اسلامی تعليماتو په شان دبی دندانو کلۍ ده .
قوله تعالی :وَبَشِّرِ الَّذِين آمَنُواْ وَعَمِلُواْ الصَّالِحَاتِ أَنَّ لَهُمْ جَنَّاتٍ تَجْرِي مِن تَحْتِهَا الأَنْهَارُ (البقره ۲۵).
قوله تعالی : وَالَّذِينَ آمَنُواْ وَعَمِلُواْ الصَّالِحَاتِ أُولَـئِكَ أَصْحَابُ الْجَنَّةِ هُمْ فِيهَا خَالِدُونَ (البقره ۸۲).
نوثابته شوه چه ايمان اونيک عمل لازم اوملزوم دی .
يوبل ورور ؤ چه سخت زحمتکښه ؤ خولمونځ يی بالکل نه کولو .
ورته ومې وويل وروره ته ولی لمونځ نه کوی ؟
راته ويې ويل : له وسه می نه کيږي اوترټولو ګران شی ماته لمونځ کول دي.
په لمانځه کې خو سستی کولو کې هم سخت وعيد دی وار خو د بالکل پريښودوشو.
قوله تعالی :
إِنَّ الْمُنَافِقِينَ يُخَادِعُونَ اللّهَ وَهُوَ خَادِعُهُمْ وَإِذَا قَامُواْ إِلَى الصَّلاَةِ قَامُواْ كُسَالَى يُرَآؤُونَ النَّاسَ وَلاَ يَذْكُرُونَ اللّهَ إِلاَّ قَلِيلاً (النساء ۱۴۲ ).
بيا می ورته دلمانځه اهميت او دلمانځه دپريښودو سخت غذابونه بيان کړل ، ددی نه ورسته هغه کس سخت خفه شو دغه وخت درمضان روژی ته څو ورځی پاتی وی ، ورسته يی راته وويل زه هر کال يواځی په روژه کې لمونځ کوم کله چه روژه ختمه شي زما لمونځ هم ختم شي ، خو نن ورځ زه له خپل رب (ج ) او تا سره وعده کومه چه دروژی له پيل څخه ورسته به بيا دمرګ ترورځی لمونځ قضا نه کړم .
همغه ؤ چه ورسته بيا دټولو څخه مخکې همدا کس لمونځ ته پاڅيدلو.
ګرانه !
آيا لمونځ ماليات غواړي ؟ چه دپيسو په ورکړه دي زړه ونه شي .
آيا لمونځ دومره ډير وخت نيسي چه تا دژوند له چارو محروم کړي ؟
آيا لمونځ دومره دروند عمل دی چه تا سخت ستړي کړي ؟
آيا لمونځ کوم مباح عمل دي چه ثواب اوغذاب ونه لري ؟
بلکی لمونځ دمسلمان دنجات ذريعه ده او دلمونځ په غفلت سره دسختو غذابو نوخبرداری ورکړ شوی دي .
لمونځ يوه الهی منظمه برنامه ده چه په ټاکلو اصولو اوټاکلو وختونو تر سره کيږي ،هيڅ څوک هم ددی برنامی دتغير توان نلري .
ګرانه !
لمونځ دورځی پنځه وخته يواځی څو دقيقی وخت نيسي چه بنده دخپل ستر څښتن (ج )حضور ته دريږی او دهغه (ج ) مناجات کوی .
نو ګرانو وروڼو اوخوندو راځي !
نور ددی پر ځای چه شيطان ته تسليم وو او هغه پر مونږ باندې دخپل زړه لوبې وکړي راځی ! خپل رب (ج ) ته تسليم شو اونور دهغه (ج ) پوره اطاعت وکړو .
ګرانه پام کوه ! کله داسی فکر اوسوچ ونه کړی چه زه خو نو ډير ګنهګاريم نور نو له شرمه دتوبی اودوعا لاسونه خپل رب(ج ) نشم پورته کولی .
پوه شه داسې فکر هيڅ کله هم مه کوه د الله تعالی د رحمت دربار هر کله دخپل بنده پر مخ پرانيستي دی
الله (ج ) په ډيره مهربانۍ سره خپلو ګنکارو بندګانو ته داسې خطاب کوي :
قوله تعالی :
يَا عِبَادِيَ الَّذِينَ أَسْرَفُوا عَلَى أَنفُسِهِمْ لاَ تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ (الزمر ۵۳ ).
ای زما بنده ګانو! کومو کسانو چه پر خپلو ځانونو تيری کړی دی دالله له رحمت څخه مه ناهيلی کيږی يقينًا الله ټولی ګناوی بښی هغه خو بښونکی اومهربان دی .
اود توبی په اړه د رسول الله ( ص) وينا هم ولوله :
وعن أبي حمزةَ أنسِ بنِ مالكٍ الأنصاريّ – خادِمِ رسولِ الله صلی الله عليه وسلم قَالَ : قَالَ رَسُولُ اللهصلی الله عليه وسلم : للهُ أفْرَحُ بِتَوْبَةِ عَبْدِهِ مِنْ أَحَدِكُمْ سَقَطَ عَلَى بَعِيرهِ وقد أضلَّهُ في أرضٍ فَلاةٍ (متفق عليه ).
له ابي حمزه انس بن مالک انصاری (رض) خادم رسول الله (ص) نه روايت دی چه رسول الله (ص) فرمايلی :
چه ديوه کس نه په يوه دښته يا صحرا کې خپل اوښ ورک شوی وي او هغه پيدا شي نو دغه کس به څومره خوشحاليږي – بس الله تعالی ددی نه هم ذيات دخپل بنده په توبه ويستلو خوشحاليږي .
ګرانه نور نو ستا خوښه ده چه څرنګه خپل تصميم ونيسې .
خدای (ج ) دي په اخلاص سره د رجوع او توبی کولو توان ما اوتاته راکړي .
