اوبه، چای، قهوه او څښاک

په ګرمو ورځو کې د نعناع چای وڅښئ

 په ګرمو ورځو او کله چې د تودوښې درجه لوړه وي له یخ لرونکو څښاکو پر ځای د نعناع له ګرم چايو څخه استفاده وکړئ. د نعناع چای تنده ختموي او د بدن د تعادل په ساتلو کې مرسته کوي او د جل وهل کیدو مخه نیسي.

د نعناع د پاڼې چای نه یوازې خوندور، بلکې ډیرې ګټې هم لري. د بیلګې په توګه دا چای د دوبي په ګرمو ورځو کې د انسان بدل له داخل څخه سړوي یا یخ یې ساتي. آلماني داکتران سپارښتنه کوي چې په ګرمو ورځو کې د نعناع یو یا دوه پیالې چای وڅښئ.

په داسې ورځو کې د بدن د تعادل ساتلو له پاره انسان په کافي اندازه مايعاتو ته اړتیا لري. د آلمان په پلازمېنه برلين کې د هلیوس کلینیک د تخصصي څانکې پروفیسور فرانک کولیکس، سپارښتنه کوي چې په دې ورځو کې اوبه، د نعناع چای او د میوې رقیق اوبه یا جوس وڅښې او له ډيرو سړو یا یخو مشروباتو له څښلو څخه ډډه وکړئ.

پروفیسور کولیکس هغو کسانو ته چې د ګرمۍ په موسم کې ښه خوب نه لري، سپارښتنه کوي چې له هغو خواړو له خوړلو څخه ډډه وکړي چې په سختۍ سره هضمیږي او د ماښام په ډوډۍ کې دې له سلاد، سبزیجاتو او ماستو څخه استفاده وکړي او تر بیدیدو مخکې دې په معتدلو اوبو ولامبي.

د پاخه عمر او ډیر وزن لرونکي کسان باید کوښښ وکړئ چې په مستقیم ډول د لمر له وړانګو ځان وساتي. د نعناع چای د پاره کافي ده چې د نعناع پاڼې تر واړه کولو وروسته له ۵ څخه تر ۱۰ دقیقو پورې په جوشو اوبو کې دم ورکړای شي.

 

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: