د څاښت یا ضحی لمونځ کول
کله چې لمر راتود شي، او دوه رکعتونه لمونځ اداشي، د ۳۶۰ صدقو سره برابره ده، دا ځکه چې د انسان په بدن کې په همدومره شمیره مفاصل دي، نو د هر مفصل د شکرانې په خاطر لازمه ده چې صدقه ورکړئ، او د دې ټولو څخه دوه رکعته د ضحی لمونځ ادا کول کفایت کوي.
له رسول اکرم صلی الله علیه وسلم نه روایت دی چې فرمایي: هرڅوک چې شپه سبا کړي یا نن نوي ورځ ورباندې راشي، نو په هغه باندې صدقه لازمه ده، هر ځل سبحان الله ویل صدقه ده، په نیکی سره امر کول صدقه ده، له بدو نه منع کول صدقه ده، او له دې ټولو څخه دوه رکعته د ضحی لمونځ کول کفایت کوي
ژباړه: سید مصطفی حماس
